Kapin sa 90 porsyento eon nga haom ro pulisya pag-abot sa preparasyon sa nagahilapit nga Semana Santa kon sa siin ginaeauman ro pag-aeabutan it mga lokal ag dumueoong turista sa isla it Boracay.
Suno kay PLt.Col Don Dicksie De Dios, hepe it Malay Municipal Police Station nga kabulig nanda sa preparasyon ro lokal nga gobyerno ag iba pang law enforcement agency agud nga maangkon ro katawhayan ag kalinong sa raya nga holy week.
Ginpahayag nana nga ro mandato kanda hay para sikyaron ro kaeowasan ag seguridad it kada individual rason nga ginahimo nanda ro tanan para magampanan ro andang obligasyon.
Suno pa kay PLt.Col De Dios, ginaayos eon nada ro deployment it augmention fore sa banwa it Malay ag isla it Boracay maghalin sa 2nd Aklan Mobile Force Company.
Sa pihak kara, magastrikto sigon sanda sa mga may one day transaction nga magasueod sa isla sandig man sa ginpaguwa nga executive order ni Malay mayor Frolibar Bautista.
Pagasikyaron ag beripikahon nanda it husto ro mga identication card ag iba pang dokumento nga daea it nasambit nga indibidwal antes nga pasugtan nga makasueod sa Boracay.
