-- ADVERTISEMENT --
KALIBO, AKLAN — Gina usoy eon sa makaron it mga pulis ro sangka pekeng commissioner matapos nga paeagyuan ro turistang Malaysian national nga nagbo-oe kana it magkaeain-eain nga island activities sa Boracay.
Base sa reklamo it 30-anyos nga si Sing Chun Mun kaibahan ro iba pang mga amigo sa Boracay Tourist Assistance Center (BTAC), nag-offer sigon kanda ro suspek nga nagpakilaeang si Christian it limang water sports activity sa haeagang P37,000 para sa 10 katawo nga insigida man kara nga gin bayaran.
Apang, matapos sigon ro tatlong sports activity hay indi eon matawagan ro suspek para sa iba pang ginkasugtanan nga serbisyo.
Sa makaron hay padayun ro gina himong imbestigasyon it mga pulis para sa ikaaresto it suspek.
