-- ADVERTISEMENT --
Naghimo it makasaysayang kadaeag-an ro Philippine Women’s Football Team kat andang piyerdihon ro Australia sa score nga 1-0 sa unang hampang kara sa AFF Women’s Championship.
Nagpanguna sa kadaeag-an it Malditas si Sarina Bolden nga kumamada it sangka goal halin sa pasa ni Eva Madarang sa hampang nga ginhiwat sa Rizal Memorial Stadium, sa Manila.
May tsansa pa kunta nga uman nga maka-goal Malditas sa 77th minute apang nadepensahan raya it Australian Matildas.
Masunod nga maka-engkwentro it Philipine Team ro Singapore sa Rizal Memorial samtang ro Under 23 Australians hay nakataeana nga makasambuwa ro Thailand sa Cavite.
