KALIBO, Aklan—Nakataeana nga igapatuman it Malinao-Lezo Transport Cooperative ro andang panibag-ong taripa nga naguwa pa ko nagtaliwan nga Oktobre 2022.
Ginpaathag ni Mr. Edgar Igcasenza, chairperson it nasambit nga kooperatiba nga raya ro nakasugtanan it andang mga miyembro kasunod it sigidas nga pagsaka sa presyo it produktong petrolyo.
Inde eon sigon nanda masarangan ro panibag-o eon man nga pagtaas sa presyo it langis rason nga nadesisyunan nanda nga ipatuman eon raya agud nga inde magulpihan ro mga sumaeakay kon may panibag-o eon man nga taripa nga igapaguwa ro Land Transportation Franchising Regulatory Board ukon LTFRB bangud sa ginaduso nga dugang nga panueoktan sa pamasahe.
Angot kara, ro dati nga pamasahe sa byaheng Malinao to Kalibo vice versa nga 25 pesos para sa regular commuters hay magiging P31.75 centavos eon samtang ro dati nga 23 pesos para sa mga estudyante, pwd’s ag senior citizens hay magiging 25 pesos eon.
