KALIBO, Aklan—Bilang pagpahaum sa nagahilapit nga pista minatay, nagtau it pilang mga importanteng padumdum ro kapulisan.
Suno kay P/Lt. Gilbert Batiles, hepe it Malinao Municipal Police Station nga may ginhimo sanda nga deployment plan para sa ap-at nga mga mabahoe nga sementeryo sa nasambit nga banwa.
Ginabawae sigon ro mga ilimnon nga makahieilong, mataeum nga bagay, mabaskog nga mga speakers ag mga gamit nga pang sugae sa sueod it sementeryo.
Ginpadumdum man sa mga magabisita nga likawan nga magkalhit sa sueod ag guwa it sementeryo ag maghimo it anuman nga krimen.
Kamana man nga ugalion man ro pagsunod sa health ag safety protocols.
Apela man nana nga likawan nga makipagdueudutan sa maabu nga mga tawo.
Dapat man sigon nga antes nga aywan ro baeay hay ikandado it maayos ukon ibilin sa kaeapitbaeay ag i-unplug ro mga nakasaksak nga appliances.
