Nakikipagbueoligan eon ro Department of Agriculture (DA) sa mga taeatapan it Sugar Regulatory Administration (SRA) maging sa Kadiwa Rolling Stores ag Kadiwa On Wheels para sa pagbaligya it manaba nga presyo sa kada kilo it asukar.
Suno sa DA, tuyo kara nga mas maging accessible ro mas barato nga haega it asukar nga nagabalor it P70 hasta P80 kada kilo nga mas magapa-ugan para sa mga consumer bangud ro presyo makaron it asukar sa mga merkado hay nagahampang it P90 hasta P100 kada kilo.
Samtang, sa naging pahayag man it SRA, ro nasambit nga inisyatibo hay temporaryong solusyon samtang ginahueat pa nga mag-operate full swing ro mga sugar mill sa nasyon.
Sakop it SRA clearance ro 13 International sugar traders nga may kabilugan nga volume nga masobra 33,772 metric tons it refined sugar nga magasabat man para mapanaba ro presyo it asukar sa pilang groceries ag supermarkets.
