Manchester Airport nakaeksperyensya it ‘power outage’ maabong flights naapektuhan

Maabong flights ro nakansela matapos ro natabo nga kawad-an it suplay it kuryente sa Manchester Airport.

Gin-abisuhan eon it mga otoridad ro mga pasahero nga makaangkon it delay ro mga flights sa terminal 1 and 2.

Nagaabot sa 66 nga departures halin sa Manchester Airport ro nakansela samtang may 50 inbound flights ro nakansela.

Angot kara, nagpangayo it pasaylo si Mancher Airport managing director Chris Woodroofe sa mga apektadong pasahero.

Nagahimo eon sigon sanda it pamaagi para ma-rebook ro mga pasahero nga naapektuhan.

Nagaeaum ro mga raya nga makabalik sa normal ro operasyon it paeoparan sa makaron nga adlaw it Lunes.