Uman nga ginpamilit it Malakanyang nga kinahangean pang tun’an it mayad it Department of Transportation (DOTr) ro planong pagpatuman it mandatory drug test sa tanan nga driver it pampublikong saeakyan.
Suno kay Palace Press Officer Claire Castro nga tuyo it proposisyon nga masiguro ro kaeuwasan it mga commuter, driver, ag publikong una sa karsada.
Nagapati ro Palasyo nga mahaega ro proposisyon para sa kapakanan man it mga motorista ag sektor it transportasyon, ag indi dapat basta ipa-iway.
Nagpanawagan man si Castro sa publiko nga indi husgahan ro proposisyon, bangud sa mga akusasyon nga magiging “money-making device” ukon pagkakitaan eang it mga may interes ro mga PUV drivers nga obligahon sa pagpa-drug test.
Sabat raya it Palasyo sa panawagan it transport group nga PISTON nga ikonsidera ro nasambit nga proposisyong mandatory drug test sa PUV drivers bangud maapektuhan ro manabang kita it mga jeepney drivers.
