KALIBO, Aklan—Welcome development kay Ibajay mayor ag League of the Municipalities of the Philippines ukon LMP Aklan chapter president Jo-en Miraflores ro naging pahayag it Inter-Agency Task Force for the Management of Emerging Infectious Diseases (IATF) nga mandatory eon ro pagsuksok it face mask ag full face shield sa kada magaguwa it baeay ag sa mga pampublikong lugar para sa dugang nga polisiya sa nasyon kontra sa coronavirus disease ukon covid 19.
Suno kay mayor Miraflores nga sa kamatuoran hay mabuhay eon man raya nga ginapatuman sa probinsiya it Aklan nga ro tuyo hay mapugngan ro pagtaas it COVID-19 cases eabi eon makaron nga tiempo it kapaskwahan.
Unang ginpatuman sigon it gobyerno ro pagsuksok it face shields sa sueod eamang it mga establisimyento.
Angot kara, ginsuhestiyon ni mayor Miraflores sa local inter-agency task force nga makaangkon it executive order para sa nasambit nga bag-ong polisiya kamana man nga mas pang mapabaskog ro pagbueuligan agud nga malimitahan ro pagkalhit it virus.
Sa makaron hay ginahueat sigon nanda ro dokumento angot kara.
Samtang, kadungan it anang pagtamyaw sa publiko sa selebrasyon it paskwa, ginhinyu nana sa publiko nga likawan anay ro mga gutok, matawo nga lugar, ag indi anay makibuylog sa pagpatigayon it mga social gatherings makaron nga Christmas season.
Makuntento suno kana nga kon naga selebrar hay kaibahan eamang ro pamilya.
Importante sigon ro nasmabit nga polisiya eabi pa ag padayun ro pagtaas it spike it covid infection sa probinsiya.
