Nagpasa it mandu ro Davao del Sur ag banwa it Compostela, Davao de Oro para ipatuman ro mandatory nga pagsuksok it face mask ag hugut nga health protocols bangud sa mga kaso it monkeypox (mpox).
Ginpaguwa ni Gobernador Yvonne Cagas ro Executive Order No. 20 sa Davao del Sur ko Mayo 28, samtang si Mayor Levi Ebdao man it Compostela hay nagpaguwa it Executive Order No. 40 ko Mayo 29.
Ginakinahangean sigon nga magsuksok it face mask sa mga baealigyaan, pampublikong saeakyan, opisina, eskwelahan, simbahan, establisimyento it negosyo, ag iba pang lugar nga matawo ukon sarado.
Kaibahan sa mga health protocol ro pagdistansya it indi maganaba sa sang metro, pirmeng paghugas it alima, maayos nga bentilasyon, ag pagdisinfect sa baeay, opisina, ag pampublikong lugar.
Posibleng papanaugan it penalidad ro mga indi magasunod sa mga sueundanan.
Raya hay kasunod it kumpirmadong kaso it mpox sa banwa it Magsaysay sa Davao del Sur, ag sambilog nga confirmed case ag tatlong suspected cases sa Davao de Oro.
Sa Davao City, daywang kaso ro kumpirmado ag sambilog ro namatay.
