-- ADVERTISEMENT --
KALIBO, Aklan — Trahedya ro gindangatan it sangka mangunguma kat makuryente sa nabuytan nga live wire samtang nagapauli eon kunta sa andang baeay, hapon it Lunes sa Sitio Centro, Brgy. Guinbaliwan, New Washington, Aklan.
Nakilaea ro biktima nga si Alex Manzanares, 75, ag residente it nasambit nga lugar.
Base sa report, halin sa eanas ro biktima ag nagapasaka eon kunta kat aksidente kara nga mabuytan ro linya it kuryente.
Natigayon pa raya nga madaea sa Aklan Provincial Hospital, apang patay eon kat maka-abot.
