Namtional News———–Nakipag angot eon makaron ro Philippine National Police (PNP) sa Armed Forces of the Philippines (AFP) para sa pag-aresto sa mag asawang Tiamzon.
Suno kay PNP Chief Police General Debold Sinas, nabaton eon nanda ro direktiba halin sa Department of Interior and Local Government (DILG) nga naghimo it nagakaigong aksiyon para maneutralized ro mag-asawang Benito ag Wilma Tiamzon.
Ginpahayag ni Sinas, Criminal Investigation and Detection Group (CIDG) ag Intelligence Group (IG) ro magahueag para sa pag-aresto sa Tiamzon couple.
Ko adlaw it Biyernes kat sentensyahan it guilty it Quezon Regional Trial Court Branch 216 ro mag asawa nga guilty sa kidnapping ag serious illegal detention ag gin-imponeran it reculsion perpetua ukon hasta sa 40 dag-on nga pagkakulong.
Samtang, gin-engganyo ni Sinas ro mag asawa nga magsurender eon lang ag atubadngon ro andang kaso.
