KALIBO, Aklan—Pormal nga gin-umpisahan ni Presidential aspirant Manila Mayor Isko Moreno Domagoso ro anang proclamation rally sa Kartilya it Katipunan, Manila kabi-i.
Ginplastar ni Mayor Isko ro anang handom para sa bilog nga nasyon engkaso nga swertehon imaw nga magdaog sa May 9, 2022 elections.
Owa man nalikawan it alkalde nga ikumpara ro mga nagtaliwan nga administrasyon nga nagdumaea sa nasyon.
Sa sueod sigon it haeos 39 anyos nga paghueat, owa gid it natabo nga pagbag-o ukon pag-umwad sa kabuhi it mga Filipino.
Suno kana, tyempo eon para ibangon ro nasyon halin sa pagka-eugmok tuga it saea nga pagdumaea sa gobyerno sa sueod it mahaba nga tyempo.
Ginpasaeamatan man kara ro anang mga supporters nga personal nga nagtambong sa gin-organisang campaign kickoff.
Samtang, nagpaabot man it pagrespito si Mayor Isko sa kaparehong aspirante partikular eon kanday Vice President Leni Robredo, Senator Panfilo Lacson, Senator Manny Pacquiao, dating Senador Ferdinand ‘Bongbong’ Marcos Jr. ag Ka Leody De Guzman.
