Kalibo Aklan —–Padayun nga nakapaidaeum sa state of emergency ro Manitoba, Canada bangud sa nagapadayun nga coronavirus disease (COVID-19) pandemic.
Suno kay Bombo International Corresponder Girlie Plaga , tubong Brgy. Bubog, Numancia ag presenteng naga-istar sa Manitoba, Canada nga bilang kaparte it ginapatuman nga state of emergency, naka-lockdown ro komunidad mag-eowas sa mga nagatau it essential services.
Haeos tanan nga mga pumueuyu suno kana hay nagapabilin sa sueod it andang natungdan nga mga panimaeay .
Limitado man ro private ag public gatherings agud nga mabaeabagan eon ro pagkalhit it makamaeatay nga virus.
Tanan nga mga eskwelahan hay sarado ag ro bukas eamang hay mga grocery stores, shopping centers, pharmasya, public transportation ag gas stations , apang mahaba ro pila eabi eon sa mga grocery stores bangud nga kinahangean nga mapatuman ro physical distancing it sang metro hasta daywang metro sa kada isaea .
Ro mga indi magsunod sa mandu hay posibleng mapinahan ukon makulong.
