Manny Pacquiao ginkumpirma ro uman nga pagbalik sa boxing

SPORTS News — Ginkumpirma eon ni Filipino boxing icon Manny Pacquiao ro anang uman nga pagsabak sa boxing ring.

Ro 46-anyos nga dating senador hay nagpasugot eon nga maka-engkwentru si Mario Barrios para sa WBC welterweight title.

Nakataeana nga pagahiwaton ro bakbakan nanda it 29-anyos nga American boxer sa buean it Hulyo sa Las Vegas.

Ro away hay sang buean antes ro  induction nana sa International Boxing Hall of Fame sa Hunyo.

Ulihing sumabak sa ring si Pacquiao kato pang Agosto 21, 2021 kat piyerdihon imaw  ni Cuban boxer Yordenis Ugas sa WBA welterweight crown.