Bangud sa sobrang pagpalangga, imbes nga obrahon nga tinolang manok matapos nga mapierde sa buenag, ginbutang sa maayos nga kabaong ag gintaw-an it disenteng eubong ro sangka pangbueang nga manok sa Quezon, Nueva Ecija.
Suno sa tag-ana it manok nga si Rowell Tuban nga espesyal para kana ro anang manok nga ginpangaeanan kara nga si Sonny.
Nag-viral sa social media ro video ni Tuban matapos nga i-post ro gin-obra nga pagtau it maayos nga eubong kay Sonny nga ginbutang pa nana sa maisot nga kabaong.
Ginlamayan man it sang adlaw si Sonny antes nga gin-eubong sa ugsaran nanday tuban.
Suno kay Tuban, pinakapaborito nana sa anang mga alaga si Sonny nga nagdaea sigon it suwerte sa anang kabuhi.
Rason nga kat mapierde ro anang manok ag namatay, naisipan nana nga taw-an raya it maayos nga eubong bilang handumanan it anang pagpalangga ag pagpasaeamat kay Sonny.
Suno kana nga pilang beses eon nga nagdaog ro anang manok rason nga nakapundar imaw it motor ag iba pang gamit sa baeay.
Sa ulihing away sigon kara hay nag angkon it grabeng nina ro manok kun sa siin gintinguhaan pa nana mabueong it pilang adlaw apang namatay man ro anang alaga.
Gindugang pa ni Tuban, owa nana ginaeauman nga maga-viral ro anang post angot sa pagtau nana it maayos nga eubong sa anang pinalangga nga si sonny.
