KALIBO, Aklan — Arestado sa entrapment operation ro sangka Chinese national may kaangtanan sa reklamong pagpangloko it sangka manugturo sa Balete, Aklan.
Gin kilaea ro suspek nga si Yunzuo Huang ag tumandok it nasyung China.
Sangka manugturo ro nabiktima it suspek sa banwa it Ibajay matapos nga baligyaan raya it pekeng Iphone sa haegang P15,000.
Sangka barangay chairman man ro gin hanang baligyaan it depektibong laptop it suspek apang, owa raya nagpaloko.
Suno sa kapulisan, modus itsuspek nga magpaeapit sa mga turista sa Boracay ag magwarang sa iba pang banwa sa Aklan ag naga pakitluoy nga owa it kwarta nga pambakae it ticket pabalik sa andang nasyun matapos sigon mapierde sa casino dahilan nga naga pakuno-kunong gina baligya ro mga gadget nga sa ulihi hay madiskubreng peke ag depektibo.
Sa makaron hay nakakulong eon raya sa Balete Police Station ag nakataeanang pagapasakaan it naga kaigong kaso.
