NATIONAL News — Paga-imbestigahan it Department of Education-Davao (DepEd-11) ro pagkamatay it sangka manugturo sa Pantukan, Davao de Oro nga gina-alegar nga namatay bangud sa stress matapos nga akigan it principal.
Ginpahayag it tagapaghambae it DepEd-11 nga si Jenielito Atillo, sangka dayalogo ro pagahimuon ag pagahinyuon ro principal nga magtambong.
Base sa impormasyong nag-viral sa social media, gindaea sa ospital ro manugturo ag namatay sigon bangud sa stress matapos nga gina-alegar nga akigan it principal.
Natabu ro insidente matapos sigon nga direktang magsugid ro sangka ginikanan sa principal nga naninahan ro anang unga sa sueod it klasrum.
Sa sangka group chat, ginpahayag it manugturo nga naga-check imaw it mga papel kat matabu ro insidente sa estudyante.
Nagasaot-saot sigon ro estudyante ag tumama ro ueo sa pungkuan ag naninahan.
Nagpaabot it pakikisimpatiya ro DepEd-Davao de Oro sa pamilya it manugturo nga haeos 31 anyos eon sa serbisyo.
