KALIBO, Aklan — Naninahan ro sangka miyembro it Malay Auxilliary Police kat bun-on it sangka tricycle driver sa Barangay Union, Nabas, gabi-i it Biyernes.
Base sa report, nakikipag-inuman ro biktimang si Paul Christian Casimero, 38 anyos ag residente it Brgy. Caticlan, Malay kat paeapitan ag gulping bun-on it suspek nga si William Dela Vega, 43 anyos ag residente it nasambit nga barangay.
Sa mayad nga swerte ag nakalikaw sigon ro biktima rason nga nadaplisan eamang raya sa waea nga parte it anang kilid.
Insigidang naaresto ro suspek sa andang baeay sa ginpatigayon nga manhunt operation matapos nga magpaeagiw pagkatapos nga mahimo ro krimen samtang gindaea sa ospital ro biktima.
Ginasugid nga nakaangkon it owa pagka-ilintindihan ro daywa matapos nga gina-alegar nga nasita it MAP member ro suspek bangud sa pag-eabag sa batas trapiko.
Magapangatubang sa nagakaigo nga kaso si dela Vega.
