Bukas ro administrasyong Marcos Jr. sa posibilidad nga pagahimuong opsyonal eon lang ro pagsuksok it facemask sa Pilipinas.
Apang ginklaro man ni President Bongbong Marcos nga raya hay kung sigurado eon nga euwas eon nga pagahimuon, kapareho sa anang promisa nga indi eon magpatigayon it hugot ag maeapnagon nga lockdown sa nasyon.
Suno sa pangueo, para maangkon raya hay kinahangean sigon nga umpisahan it uman ro rollout it mga bakuna kontra COVID-19.
Ginpaathag kara nga ro madinaeag-on nga bakunahan it booster shot ro susi para sa padayon nga pagbukas it mga negosyo sa nasyon nga senyales eon man it uman nga pagbangon it ekonomiya maghalin sa halit nga tuga it COVID-19.
Samtang, euwas kara hay gin-insister man it presidente ro kahaegahan it pagtutok sa bakunahan it booster shot sa mga onga kapin sa ginaplano eon man sa makaron it anang administrasyon ro pagpatuman it full implementation it resumption it face-to-face classes sa masunod nga school year.
