Owa it maeauman nga kooperasyon maghalin kay Pangueong Ferdinand Marcos Jr. ro International Criminal Court ukon ICC angot sa imbestigasyon kara sa anti-drug war campaign ni dating Pangueong Rodrigo Duterte.
Suno kay Pangueong Bongbong, maabu nga kuwestiyon sa hurisdiksyon it ICC sa Pilipinas nga puweding kabigon nga pagpakialam sa “internal matters” ag hangkat sa soberenya it nasyon.
Suno sa Pangueo nga mag-eowas nga owa it jurisdiction ro ICC sa Pilipinas, may una nga kaugalingon nga kapulisan ro nasyon ag maayos ro hudikatura it Pilipinas.
Bukon sigon it kinahangean it Pilipinas ro bulig maghalin sa ibang nasyon ag bukon sigon ro Pilipinas it kolonya nga gintawag nanang “former imperialist.”.
Hasta sigon it owa nasasabat ro mga kutana sa jurisdiction ag magiging epekto kara sa soberenya it nasyon hay indi imaw makipagbuligan sa ICC.
Una eon kara ro pagdihon it resolusyon ni dating Pangueo ag makaron hay House Deputy Speaker Gloria Macapagal Arroyo para hinyuon ro imbestigasyon it ICC.
