NATIONAL News — Naka-uli eon sa Pilipinas si Presidente Ferdinand “Bongbong” Marcos Jr. matapos nga magpasakop sa ASEAN Summit and Related Summits.
Nagtugpa ro presidential plane sa Villamor Air Base, alas 10:23 gabi-i it Biyernes, October 11.
Ginpahayag ni Marcos nga ro gindiskusyunan it mga lider it ASEAN hay owa eamang nakatutok sa indibidwal nga pagpanghangkat nga andang ginapangatubang kundi sa mga butang man nga importante para sa tanan nga mga miyembro nga mga nasyon.
Suno pa kay Marcos, nakipag-istorya man imaw sa mga sector it negosyo sa ASEAN agud nga imbitahan sanda nga mag-invest sa Pilipinas.
Gin-istoryahan man it ASEAN leaders ro importante nga international issues ag mga nagatuhaw nga problema nga naga-apekto owa eamang sa nasyon kundi sa bilog nga rehiyon eabi eon sa West Philippine Sea.
Ginpasaeamatan man ni Marcos ro Lao People’s Democratic Republic (LPDR) nga imaw ro nagpamuno sa ASEAN makaron nga dag-on bangud sa madinalag-on nga hosting it Summit and Related Summits.
Ginapaabot man it presidente nga ro Malaysia ro maga-host sa ASEAN sa 2025.
