KALIBO, Aklan—Nagpungko eon bilang bag-ong house speaker si Marinduque Representative Lord Allan Velasco matapos imaw nga makabuoe it 186 nga botong YES kasunod it gindihon nga sesyon it mga kongresista sa Quezon City Sports Club kahapon.
Bangud kara, nagpanaog eon sa pwesto si Taguig Rep. Alan Peter Cayetano.
Suno kay Atty. Plaridel Morania, sangka batikang abogado sa probinsya it Aklan nga dapat eon nga ayuson ro mga deperensya sa manabang kapueongan.
Kung sa siin, kinahang-ean man nga respituhon it kada isaea ro naging desisyon ngara agud nga malikawan ro anumang problema.
Madumduman nga ko nagtaliwan nga dag-on hay nagpirma sanday Cayetano ag Velasco sa term-sharing agreement para sa pagka-Speaker it Kamara.
Nasayuran nga 151 nga boto eamang it mga kongresista ro kinahang-ean agud nga ma-appoint ro bag-ong lider it Manabang Kapueongan.
