Kalibo Aklan —–Gina-engganyo ni Market Supervisor Abel Policarpio ro mga stall owners nga okupahan eon ro mga pwesto nga gintaeana kanda sa gin-construct nga temporary stalls sa sueod it kalibo public market .
Tuyo kara nga ma-decongest ro mga alley ukon aeagyan nga temporaryong gin-pwestuhan it mga naapektuhan it sunog ko setyembre it nagtaliwan nga dag-on.
Mag-eowas kara, uman nga ginmandu sigon it Department of Interior and Local Government (DILG) ro paglimpyo sa mga sidewalks sa mga vendors.
Suno kay Policarpio nga 66 eamang ro mga stalls nga pwedeng ma-okupahan.
Apang nagapa-iya-iya pa sigon ro mga nataw-an kara bangud sa andang reklamo nga gintugyan pa kanda ro pag-develop it nasambit nga lugar.
Aminado man ro opisyal nga bukon it masyadong matibay ro istraktura bangud nga temporaryo eamang raya.
Paga-gub-on man sigon ro mga raya sa oras nga igasaylo ro mga vendors sa sangka semi-permanent relocation site sa oras nga ipatigayon ro total rehabilitation it tindahan antes nga matapos ro makaron nga dag-on .
Gindugang pa ni Policarpio nga hasta sa makaron hay exempted ro mga apektadong negosyante sa pagbayad it andang renta sa stalls .
Apang sa oras suno kana nga mataw-an it sueat ro mga natungdan nga negosyante, ma-occupy nanda ukon indi ro pwesto hay pagasukton eon sanda it stall rentals.
