KALIBO, Aklan–Ginpaathag it sangka abogado ko tyempo it Martial Law sa Pilipinas ro anang mga naging eksperyensyaSuno kay Atty. Florencio Gonzales nga bukon eon it aplikable sa makaron nga panyempo ro Martial Law.Masyado eon sigon raya nga malisod nga ipatuman.
Apang, hasta sa makaron suno kana hay indi gihapon maduea sa anang baeatyagon ro mga kinahang-ean it mga Filipino nga mabatyagan ro andang kinamatarong ag kahilwayan.
Ro manami eamang sigon sa tyempo it Martial Law ro pagiging tampad ag disiplinado it mga tawo.
Si Atty. Gonzales hay nagtindog nga abogado it limang commander it makawaeang grupo ko rato nga tyempo kung siin tanan nga legal concerns it mga raya hay direktang ginapaabot kana.
Tuyo sigon it nasambit nga grupo nga ipakigsukoe ro kinamatarong it mga detention prisoner.
Ro nasambit nga mga NPA commander sigon hay nagsurrender man sa gobyerno pagkatapos it deklarasyon it Martial Law.
Samtang, makaron nga adlaw gina-selebrar it mga Filipino ro ika-50 anyos nga anibersaryo it Martial Law.
