KALIBO, Aklan–Una eon sa maayos nga kahimtangan ro biktima nga si Mary Jane Plaza matapos ro haeos daywang dominggo nga pagka-ospital tuga it naangkon nga lastro sa ueo matapos nga ginhaboy it bato it sangka hilong nga eaeaki ro ginasakyan nga van sa national highway it banwang Nabas.
Suno kay Loren Joy Plaza nga eubos ro andang pagpasaeamat sa madasig nga pagmayad it anang igmanghod.
Raya hay matapos nga naging madinaeag-on ro ginpatigayun nga operasyon it mga doktor sa Panay Healthcare Hospital ko nagtaliwan nga dominggo.
Bangud nga owa eon it anesthesia, batyag eon sigon ni Mary Jane ro pagsakit it anang ueo.
Ginpahayag dugang nga aeang-aeang pa nga maka-atender sa nagahilapit nga graduation ro biktima bangud sa pagiging sensitibo it anang ueo.
Apang, nagpasugot sigon ro Aklan State University (ASU) main campus nga makaangkon it representante si Mary Jane para magbuoe it anang diploma ag medalya sa pagiging cum laude.
Ro remaining balance it pamilya Plaza sa ospital hay naga-abot pa sa P249,189.66.
