Sugtan it Bureau of Corrections si Mary Jane Veloso nga makaibahan ro anang pamilya sa adlaw it paskwa samtang nakapreso sa Correctional Institution for Women sa syudad it Mandaluyong.
Suno kay Bureau of Correction (BuCor) Director General Gregorio Pio Catapang Jr., mahimo magbisita ro pamilya ni Veloso sa adlaw it paskwa para makaibahan raya.
Suno kana, pagkatapos abi it limang adlaw nana nga quarantine period hay mahimo magbaton it bisita si Mary Jane.
Ro limang adlaw ngara hay mandatoryo sa tanan nga mga Persons Deprived of Liberty samtang nagapaidaeom man raya sa kinahangean nga medical and physical examination.
Kahapon hay daeayon nga nakabalik sa nasyon si Veloso sakay it flight halin sa Indonesia ag naihalin eagi raya sa Correctional Institution for Women.
