National News ———–Magiging kakaiba ro filing it cerfiticate of candidacy (CoC) para sa eleksiyon sa masunod nga dag-on kumpara sa mga nagtaliwan nga elesyon kasunod it pagpaguwa it Commission on Elections (Comelec) it pagsinueondan para mailikawan ro pagkalhit it Coronavirus disease 2019 (COVID-19).
Sa COVID-19 preventive measures, health and safety protocols nga ginpaguwa it Comelec sa filing it CoC para sa 2022 presidential elections nga maga-umpisa sa Oktubre 1 hasta 8, kinahangean sigon nga masunod ag maipabilin ro physical distancing nga 1.8 meters.
Indi man pagpasugtan ro mga nakasuksok eamanh it cloth ukon valved masks mag-euwas emang kung may una pang layer it surgical mask nga N95 ukon KN95.
Nakabaehag man kara nga daywang escorts eamang kada kandidato ro ginpasugtan nga makaibahnan it kandidato mag-euwas sa mga magapadaeagan bilang presidente, bise presidente ag senators nga puwedeng magdaea it hasta sa tatlong escort.
Para sa mga party-list groups, ro andang mga Certificate of Nominations and Acceptance (CONA) hay puwedeng i-file it andang Chair President ukon Secretary-General ukon maskin sin-ong otorisadong Representative it party-list group, sectoral party, organization ukon Coalition.
Sambilog nga katawo eamang ro puwedeng nasunod kanda smatang required gid ro presensiya it representative nominees it mga party-list groups.
Para naman sa independent candidate, PP ukon accredited citizen’s arm hay pagapasugtan it tig-sambilog nga watcher sa premises it Receiving Office.
Para sa mga makapadaeagan sa pagka-presidente, vice president, senators, puwede sandang magprisinta it negatibong resulta ng RT-PCR test ukon antigen test nga ginpatigayon 24 oras antes ro filing it CoC.
