Mas mabahoe nga bawas sa presyo it mga produktong petrolyo, eauman sa masunod nga dominggo

Gin-anunsiyo ni Pangueong Ferdinand Marcos Jr. ro mas mabahoe nga rollback ukon buhin sa presyo it mga produktong petrolyo sa masunod nga dominggo.

Sa uploaded video sa anang FB account, ginpakigbahin it Presidente nga P24.94 kada litro ro ginaeauman nga buhin sa presyo it diesel, P3.41 kada litro sa gasoline, ag P2.00 mat-a sa kerosene.

Uman nga nagpanawagan ro Presidente sa oil companies nga ipatuman it bilog, tama ag uwa it pagkadelay ro rollback sa presyo it langis kadungan it pag-engganyo sa publiko nga ireport sa taeatapan it Presidente ag sa Department of Energy ro anumang reklamo sa mga magaeabag sa nagairal nga oil price.