NATIONAL News — Pagaeauman eon it publiko nga mahilig magbiyahe ro mas mahae nga pamasahe sa maabot nga buean samtang ginpa-upgrade it Civil Aeronautics Board (CAB) ro fuel surcharge level para sa domestic ag international flights.
Sa sangka advisory, ginpahayag it CAB nga ro passenger ag cargo fuel surcharge para sa domestic ag international flights hay gintaeana sa Level 5 para sa tiempo it Marso 1 hasta 31, 2025, halin sa presenteng Level 4.
Nasayuran nga ro nasambit nga fuel surcharge hay sangka opsyonal nga bayad, mag-eowas sa ginbasehan nga pamasahe nga posibleng ipasa it mga airline sa mga pasahero agud nga mabawi ro mga gastos nga naangkon bangud sa paiba-ibang presyo it jet fuel.
Gina-ayos eon it CAB ro mga dugang nga sukot sa gasolina angot sa paghueag it presyo it jet fuel.
Nasayuran nga sa idaeum it Level 5, ro mga pasahero hay magabayad it P151 hasta P542 bilang fuel surcharge para sa domestic flights, depende sa distansiya it andang biyahe.
Samtang, sa idaeum it presenteng Level 4, ro pampasaherong fuel surcharge hay sa katung-anan it P117 ag P342 para sa domestic flights, depende sa distansya; samtang para sa mga international flight nga naghalin sa Pilipinas, ro dugang nga bayad hay halin P385.70 ag P2,867.82.
