BUSINESS News–Presente eon nga nagahimo ro state-run Social Security System (SSS) it bag-ong pension scheme nga nagatuyo nga pasugtan ro mga miyembro kara nga magpatindog it “bigger nest egg” pag-abot it andang retirement.
Sa oras nga maaprubahan it SSS policy-making body it mga komisyonado, ro monthly retirement pension nga ₱20,000 nga ceiling hay magabag-o.
Indi eon sigon raya magakinahangean it plano it executive order halin sa Malakanyang ukon maskin anuman nga congressional approval.
Suno kay SSS President Rolando Macasaet nga nagtaeana it timetable nga daywa hasta tatlong buean ro SSS para i-roll out ro mas ginpabahoe nga pension program, apang ginklaru nga ro mas mataas nga pension scheme hay “voluntary.”
Base sa ginapatuman nga setup, ro mga retirado hay makabo-oe it andang pension nga ₱4,000 hasta ₱20,000 range kada buean, depende kun pila ro andang gin amot sa pondo.
Madumduman nga ginpataasan it ahensiya ro contribution rate it mga miyembro kara it 14% halin sa 13% ko nagtaliwan nga dag-on.
Ro SSS hay may una makaron nga 41 milyong miyembro.
