KALIBO, Aklan—Nagpaandam ro sangka political analysts sa aklan nga posibleng pa-grabehon it nagakatabu makaron nga tensyon sa tunga it Russia ag Ukraine ro pagtaas it presyo it natural gas bagay nga posibleng magpataas man it presyo it langis.
Suno kay Dr. Malyn Villanueva nga nagataas ro presyo it mga baeak-eon kapareho it pagkaon sa kada nagamahae ro presyo it langis.
Ginagamit sigon raya agud nga i-transport ro mga produkto sa nagkaeain-eain nga parte it Pilipinas.
Mag-eowas kara, posibleng bangud sa krisis hay magalayas ro mga investors ukon maduea-an it potential nga investments ro mga developing nations kapareho it Pilipinas ag maga-agto sa mga manggaranon nga nasyon agud nga makasigurado sa andang investments.
Pagapahina-on man sigon it mas mataas nga inflation ro economic recovery eabi pa ag magapanaba ro purchasing power it piso sa pagtaas it gastos it mga tao sa langis ag mga produkto.
Bangud kara, mas nga magabagsak ro ekonomiya ag maga-grabe ro kapigaduhon.
Dapat sigon nga makaangkon kara it konkretong solusyon ro gobyerno.
