KALIBO, Aklan—Ginaproponer makarun ni Barangay Kagawad Mark Sy it Barangay Poblacion Kalibo nga makaangkon it probisyon para sa mas strikto ag hugot nga implementasyon it quarantine protocol para sa mga naga-uli nga Locally Stranded Individuals (LSI’s) ag Returning Oversease Filipino Workers (ROF’s) sa Barangay Poblacion it nasambitan nga banwa.
Suno kay Kagawad Sy, nga mabahoe ro anang pagpati nga ma-aprobahan ro ginaproporner nga ordinansa nga may titulong “ An ordinance providing additional health protocols on LSI’s and ROF’s “ .
Nakabaehag sa nasambit nga ordinansa nga kinahangean magpakita it documentary requirements agud makasueod sa barangay.
Mag-euwas kara, dapat man nga magpakita it certificate of registration antes nga makauli ro sangka LSI ukon ROF.
Agud makabo-eo it nasambitan nga certificate kinahangean nga mag-adto ro pamilya sa barangay limang adlaw antes ro pag-uli.
Iga-check ro andang panimaeay kung makapasar sa standard it IATF para sa pagpatuman it strict home quarantine.
Sandig man sa ordinansa nga pwedeng magtao it pundo ro barangay para sa mga low income nga pomoeuyo.
Ginapahayag dugang nga ro sin-o man nga mag-eabag hay magabayad it 1,000 pesos nga cash ag magapangatubang pa it nagakaigo nga kaso sa korte.
Samtang ginkwestiyon man kara ro kakueangan sa ordinansa it Gobyerno Probinsiyal ag Munisipyo kung sa siin owa it nakataeana nga penalidad para sa mga naga-eabag sa quarantine protocol.
Suno kana nga dapat nagadu-eot ag may ngipon ro mando agud magsunod ro tanan nga mga pomoeuyo.
