-- ADVERTISEMENT --
KALIBO, Aklan —Kakaiba ro magiging selebrasyon it dag-unang Kalibo Sto. Niño Ati-Atihan Festival sa Enero 2021 bangud igapaiway anay ro ginadayong sadsad sa kalye ukon street dancing.
Suno kay Kalibo Mayor Emerson Lachica nga bangud sa pandemya daea it coronavirus disease ukon COVID-19, ginaeaumang magiging simple ro nakaugaliang makulay ag magarbong selebrasyon.
Apang, uwa pa sigon it pinal nga desisyon sa mga pagahimuong aktibidad.
Bangud nga tradisyon eon ro tribe competition, ginaistoryahan nga igapatigayon raya pinaagi it virtual sa sueod it Magsaysay Park ag limitado eamang ro pagapasugtang makapasakop nga miyembro it kada tribu.
Ro event hay posibleng igapaguwa pinaagi it live online broadcast ukon sa mga cable television.
-- ADVERTISEMENT --
