Malignant ag very cancerous ro masakit sarcoma cancer nga gina-angkon it sikat nga vlogger ag doktor nga si Doc Willie Ong.
Pahayag ni Dr. Philip Ian Prieto Padilla sangka professor of microbiology nga raya hay limited sa tue-an, ag connective tissues.
Mahimo nga presente raya sa tue-an, joints, tiyan ag dughan ag depende kun man-o kabahoe ro cancer.
Paathag ni Dr. Padilla nga mahimo raya maka-apekto sa ibang bahin it eawas, kun siin haeos 40% it mga sarcoma hay makita sigon sa lower extremities, 15% sa upper extremities bangud sa mga mabahoe nga tue-an, 30% sa suoed it tiyan ukon dughan nga pareho sa kondisyon ni Doc Willie Ong ag 15% sa uoe ukon liog.
Nabubueo ro nasambitan nga masakit paagi sa genetic level bangud sa nagamutate nga chromosome, naexposed sa chemicals ukon bangud sa radiation.
Apisar, kara mahimo raya buengon apang kinahangean pa nga sayuron kun siin dampit , anong klase nga cancer paagi sa x-ray, CT scan, MRI ag bone scan ag maghimo it biopsy agud masayuran kun raya hay aggressive ag sayuron kun ano nga chemotheraph ukon radiotheraphy ro kinahangean.
Stress man ro sambilog sa mga mangin rason kara, bangud ginapadeom kara ro epekto ag mas naga-eapnag ag nagabahoe.
Nagatrigger sigon raya it ibang mga chemicals, agud madugangan pa nga magdivide ro mga selyula sa eawas nga nagaresulta sa cancer.
Nasayuran nga 13,000 nga kaso it soft tissues sarcoma ro naiirekord sa America nga mas abo ro eaeaki nga nagapatay nga nagaabot sa 5,000.
Apang, mahimo matamaan it sarcoma ro bisan sin-o eamnag.May mga doktor man sigon sa Pilipinas nga kaya magtatap sa nasambit nga sakit apang depende sa kun ano nga klase raya.
Padumdom nana nga kinahangean man bantayan kun siin nagatuhaw ro bukoe.
Matandaan nga gin-anunsyo ni Doc Willie Ong ro anang masakit sa anang social media accounts.
