Masami nga pagbiyahe ni Pangueong Marcos sa ibang nasyon, gin-eksplikar it lider it grupo it mga negosyante

Kinahang-ean nga adtunan ni Pangueong Ferdinand Marcos Jr. ro mga biyahe sa guwa it nasyon eabi eon ag may kaangtanan raya sa pag-engganyo it mga kapitalista sa nasyon.

Ginpahayag ni Go Negosyo Founder Joey Concepcion nga ro presidente bilang CEO it nasyon hay kinahang-ean nga maging visible eabi eon ag maabu nga ka-engkwentro sa pag-engganyo it investors.

Dugang pa kara nga gusto man nga mabatian it iba pang mga lider ag foreign investors ro vission it pangueo, estilo sa pagdumaea ag maskin ro line up it anang gabinete kamana man ro pribadong sektor nga nagasuporta kana.

Owa sigon it kinaiba raya sa andang mga company CEO nga kinahang-ean nga magguwa ag mag-usoy it maga-invest sa kompaniya.