KALIBO, Aklan–Maskin nga ginduea eon it Hong Kong government ro andang face mask mandate, apang maabu gihapon sa mga nagaguwa sa andang baeay hay nagasuksok kara bilang proteksyon.
Suno kay Bombo International Correspondent Mary Lou Bautista-Borra it Hong Kong nga pila sa mga pumueuyu hay padayon nga nagakabaeaka sa andang ikamayad nga eawas tuga it covid 19.
Madumduman nga opisyal eon nga ginduea it Hong Kong government kan-o eamang ro mandatory nga pagsuksok it face mask sa mga indoors, outdoors ukon sa pampublikong transportasyon.
Haeos tatlong dag-on man ro pag-obliga sa mga pumueuyu it hong kong sa pagsuksok it face mask, kun sa siin sanda sigon ro ginbansagan nga pinaka-ulihi nga “unmasked” city sa bilog nga kalibutan.
Ko nagtaliwan nga Disyembre, kasunod it paghaeuga it China sa andang COVID 19 policy, gin-duea man it Hong Kong ro kaabuan sa andang controls, eakip ro paglimita sa pagtipon-tipon sa mga pampublikong lugar ag pag-require it proof of vaccination sa mga nagasueod sa mga restaurants, bars ag iba pang mga venues.
