National News———Nag-abot eun sa nasyon ro masobra 1,150,800 million doses nga AstraZeneca vaccine nga ginbakae it private sector ag local government units.
Ginbatun raya nanday Secretary Carlito Galvez Jr, National Task Force against COVID-19 chief implementer ag vaccine czar, Health Secretary Francisco Duque III, Presidential Adviser for Entrepreneurship Joey Concepcion, ag British Embassy in Manila deputy head of mission Alastair Totty.
Suno kay Galvez, rayang LGUs ag private sector-procured vaccines hay nabakae pamaagi sa “A Dose of Hope” initiative sa ginpangunahan ni Concepcion sa idaeum it tripartite agreement nga ginpirmahan pamaagi sa mga private sector, LGUs, national government, ag biopharmaceutical firm AstraZeneca.
Ginpahayag ni Galvez nga sa makarun hay kapin eun sa 6,858,900 AstraZeneca doses ro nag-abot sa nasyon kung siin 1,124,100 doses ro gintao ukon donasyon it Japanese Government, samtang ro 4,584,000 doses man hay maghalin sa COVAX facility.
Samtang makarun nga adlaw hay nakataean man nga maga-abot sa nasyon ro kapin sa 1.5 million Sinovac vaccine ag ro 1.6 million J&J.
Ro pag-abot it J&J vaccine hay ro kauna-unahang shipment sa nasyon.
