Padayon ro pag-engganyo ni Go Negosyo founder Joey Conception sa Health Technology Assessment Council (HTAC) para pasugtan may kaagtanan sa pagbakuna it pangaywang booster shots sa iba pang sektor bangud kapin sa masobra million vaccine doses sigon nga ginbakae it pribadong sektor ro nakataeanang mag-expire sa katapusan it buaen.
Apisar nga kinahangean mag-pokus sa pagbakuna it unang booster apang kung taw-an sigon it haega ro numero it mga bakuna nga maeapit eon lang mag-expire hay kanugon ro mabahoe nga kantidad nga gintaeana kara it pribadong sektor.
Gin-insister pa ni Conception nga ro mga nasambit nga bakuna hay kinahangeon eon nga gamiton sa pihak nga pabay-an eon lang nga mag-expire.
Dugang pa ni Conception, ro mga bakuna hay ginbakae it private sector pamaagi sa A Dose of Hope tripartite agreement kung siin katunga kara hay ginbakae it sektor kaibahan ro gobyerno.
Samtang, owa pa nagpaguwa it desisyon ro HTAC kung pasugtan eon ro pagturok it pangaywang booster dose para sa general population.
Sa makaron mga health care workers, senior citizens ag immunocompromised individuals pa eamang ro ginapasugtan nga magpaidaeom sa 2nd booster shot.
