Masobra 1.7-K nga mga eskwelahan nagpadayun it in-person classes sa idaeom it Alert level 1

KALIBO, Aklan—Masobra 1,700 nga mga eskwelahan ro nagpadayun it limited face-to-face classes sa mga lugar sa nasyon nga ginpaidaeom sa alert level 1.

Suno kay Department of Education Secretary Leonor Briones, ginakaeakipan raya it 1,726 nga mga eskwelahan kaeakip ro expanded in-person classes nga nasuspendi umpisa nga magtuhaw ro pandemya.

Suno kana, ginaeauman eon it ahensya nga maabu pang mga eskwelahan ro magapasakop sa limited face to face classes bangud sa paghaeuga it quarantine restriction sa nasyon, partikular eon sa Metro Manila.

Samtang, pagatalakayon man sigon it ahensya kaibahan ro Department of Health kung posibleng haeugaan ro COVID protocol sa mga eskwelahan.