Masobra 1 million doses it reformulated Pfizer COVID-19 vaccines, nag-abot eon sa nasyon

Nag-abot eon sa Pilipinas ro kapin sa 1,320,000 doses it reformulated Pfizer covid-19 vaccines.

Ro nasambit nga bakuna hay pagagamiton sa mga unga nga naga-edad lima hasta 11 anyos.

Suno sa National Task Force against Covid-19, pasado alas-8 kabi-i kat nag-abot ro mga bakuna.

Antes raya, unang nag-abot ko adlaw it Biyernes ro kapin sa 1,800,000 doses it Pfizer vaccines.

Pebrero 7 kat nag-umpisa ro pagbakuna sa Pilipinas para sa nasambit nga age group.