Maeapnagon nga job fair ro igapatigayun sa bilog nga nasyon kasunod it pagselebrar it ika-120th anibersaryo it Labor day hin-aga, Mayo 1.
Sa datos maghalin sa Department of Labor and Employment (DOLE), naga-abot eon sa kapin 137,287 nga trabaho sa nasyon ag abroad ro nagahueat sa mga job seekers nga puwedi applyan sa 26 job fair sites sa bilog nga nasyon.
Suno sa DOLE, kapin sa 87,175 para sa local jobs ag 47,142 overseas jobs.
Pagapartisiparan it kapin sa 900 employers ro nasambit nga job fairs nga pagahiwaton sa nagakaeain-eain nga lugar sa bilg nga nasyon.
Samtang, kaeabanan sa mga job vacancies hay sa manufacturing, business process outsourcing ag retail/sales industries.
Ro main job fair hin-aga hay pagatigayunon sa KingsboroughInternational Convention Center sa San Fernando City, Pampanga kung siin kapin sa 10,000 trabaho ro ginatanyag it 90 employers.
Sa pihak nga parte, may mga job fair sites nga igapatigayon sa mga lugar maghalin sa Luzon, visayas ag Mindanao.
