-- ADVERTISEMENT --
Naga-abot sa haeos 2,000 pasahero ro stranded sa nagkaeain-eain nga pantalan sa nasyon makaron nga adlaw it Lunes bangud sa Tropical Storm Agaton.
Suno kay Philippine Coast Guard (PCG) commandant Admiral Artemio Abu nga kapin sa 1,813 pasahero ro stranded sa Bicol, Eastern Visayas, ag northeastern Mindanao.
Hugut suno kana nga ginabantayan it PCG ro mga pantalan sa Liloan, San Ricardo, Ormoc, Isabel, Bato, Sta. Clara, Dapdap, Daram, ag Naval sa Eastern Visayas; Siargao, Lipata, Naisipit, ag Placer sa northeastern Mindanao ag Matnog sa Bicol.
Kung makabalik ro operations, ginpahayag ni Abu nga gina-monitor man it PCG ro posibleng overloading it pasahero eabi eon ag ginaeauman ro influx sa mga pauli it mga probinsya para sa Holy Week break.
