Masobra 200 kilo it mishandled frozen meat, nakumpiska sa Antipolo

Nakumpiska it mga tawuhan it National Meat Inspection Service (NMIS) ro kapin sa 233.6 kilo it mishandled frozen meat sa City Market it Antipolo.

Owa sigon it maiprisinta nga meat inspection certificate ro pilang nagabaligya it karne it baboy sa nasambit nga merkado publiko.

Ro mga nakumpiskang mishandled frozen meat hay insigida nga gin-eubong sa eugta bangud nga indi raya pwedeng kaunon ag posibleng magtuga pa it sakit.

Padayun man ro pagbantay it mga otoridad sa siyudad para masiguro ro euwas ag dekalidad nga karneng ginabaligya sa nagkaeain-eain nga baealigyaan sa Antipolo.