Nagpanawagan ro masobra 200 milyonaryo sa bilog nga kalibutan para sa pagpasaka it mas mataas nga buwis sa mga ginakabig nga “ultra-rich” individuals para sa kamaeayran it kabilugan.
Raya ro nakabaehag sa sangkasueat para sa world leaders nga nagtambong sa 2023 World Economic Forum sa Davos, Switzerland nga ginpirmahan it mga milyonaryo halin sa 13 mga nasyon.
Pila sa mga nagpirma sa nasambit nga sueat hay ro US actor nga si Mark Ruffalo ag American producer Abigail Disney, great-niece it Walt Disney.
Bilang mga milyonaryo, raya sigon hay sangka investment para sa common good ag mas maayos nga puturo.
Una eon nga ginreport it non-government organization nga Oxfam, lumobo pa sa 50% ro manggad it mga ginaturo nga pinakamanggaranon sa bilog nga kalibutan sa nagtaliwan nga dekada.
