Nag-abot pa sa milyon-milyong Americans ag Canadians ro apektado bangud sa mabaskog nga hangin, daea it winter storm sa North America.
Apisar it kawad-an it power supply sa ibang parte it North America, padayon sa gihapon ro pagselebrar it Paskwa it mga pumueuyo sa nasambit nga lugar.
Nagdaea ro bomb cyclone it snow, mabaskog nga hangin ag grabe nga pagnaba it temperatura, kung siin nakapalista it indi magnaba sa 19 katawo ro namatay.
Kaeakip kara hay ro mga road traffic accident kaibahan ro 50 nga saeakyan nga nagbungguan nga nagtuga it pagkamatay it ap-at nga motorista.
Zero visibility man ro nae-eksperyesyahan sa Buffalo ag New York state suno sa US National Weather Service (NWS).
Samtang, maskin ro milder southern state it Florida ag Georgia hay owa man naka-eowas sa manabang temperatura.
