Masobra 4,000 nga pamilya, ginbakwit bangud sa sunog sa South Korea  

Sumaka pa sa 16,755 hectares it kagueangan ro kinaon eon it kaeayo sa Uljin, South Korea.

Nag-abot eon man sa ap-at nga adlaw ro nagakatabo nga sunog bangud sa madasig nga pagkalhit it kaeayo nga daea it mabaskog nga hangin sa nasambit nga nasyon kung siin  bumunae eon sa 7,355 katawo ukon 4,659 nga pamilya ro ginbakwit halin ko nagtaliwan nga dominggo.

Owa man it nailistang casualty apang kapin sa 512 facilities ag 343 nga kabaeayan ro nahalitan.

Nagabueoligan man makaron ro 18,000 fire fighters ag naggamit eon it 95 helicopters ag 781 fire vehicles para matapna ro sunog.

Gindeklara man it gobyerno it South Korea bilang special disaster zone ro nasambit nga lugar ag nagpromisa ro pangueo nga pagabuligan ro mga naapektuhan nga pumueoyo.