Nagapahaum eon ro grupo it mga health workers sa igapatigayon nandang protesta kasunod it kauna-unahan nga State of the Nation Address ukon SONA ni Pangueong Bongbong Marcos para ipaabot sa pangueo ro andang mga sentimyento.
Suno kay G. Jao Clumia, pangueo it St. Luke’s Medical Center Employees Association, nga gusto nandangn ipaabot sa pangueo ro problema it mga health workers.
Kaeakip eon kara ro kakueangan it mga nurses bangud sa mas ginapili it iba nga magserbi eon lang sa ibang nasyon bangud sa mas mataas nga sweldo.
Ginpasiguro man ni G. Clumia nga pagasundon nanda ro mga health protocol sa pagpatigayon it hubeag protesta sa SONA ni Pangueong Marcos.
Ginatantyang kapin sa 500 health workers ro magapartisipar sa nasambit nga protesta.
Sa pihak nga parte, bukon sigon sanda it haum engkaso nga maka-angkon uman ro nasyon it surge sa mga kaso it COVID-19 bangud gina amat-amat eon sigon sanda it ubos.
Samtang, nagaeaum man ro mga health workers it kongkretong sabat sa mga plano sa healthcare system sa nasyon bangud medyo nalisdan eon sigon sanda.
