Masobra 80% it target population sa Aklan, nakabaton eon it 1st dose it bakuna kontra COVID-19

KALIBO, Aklan—Nag-abot eon sa eampas sa 80 percent it  target population sa probinsiya it Aklan ro nakabaton eon it 1^st dose it bakuna kontra sa Covid-19 samtang  masobra sa  70%  ro nakabaton it 2^nd  dose.

Raya ro ginpahayag ni J-Lorenz Dionesio, Nurse III ag vaccination manager  it Provincial Health Office ukon PHO-Aklan.

Ginaeauman nga mas pang magataas ro numero it mga  gustong magpabakuna  bangud sa pagkabaeaka sa nagatinaas nga kaso ag sa ginapatuman nga  “no vaxx, no entry” policy it  pilang mga  establisimento  ag taeatapan.

Samtang, nagabaton man  sigon sanda it  gustong  magpabakuna it  2^nd dose  maskin nga ro andang  1^st dose hay ginpatigayon sa  ibang  banwa   ukon probinsiya.

Magpa-rehistro  eamang  sigon  sa  PHO-Aklan  para sa schedule.

Angot kara,  ginpasaeamatan ni  Dionesio ro  mga  nursing students it pilang eskwelahan sa Aklan bangud sa pag-boluntaryo nga maging vaccinator.