Masobra ap-at nga million nga mga estudyante ro naka-enroll eon sa Alternative Learning System (ALS) sa idaeom it administrasyong Duterte.
Suno kay Education Secretary Leonor Briones, importante nga legasiya it presenteng administrasyon ro ALS bangud maabu nga out-of-school youths ag adults ro nag-enroll sa nasambit nga programa.
Sa datos it DEPED, sumaka sa 80% ro yearly average nga numero it enrollment sa idaeom it liderato ni Pangueong Duterte kumpara sa nagtaliwan nga daywang administrasyon.
Kapin sa 288 nga pampubliko ag daywang pribadong eskwelahan sa 10 rehiyon ro nagpatuman it ALS-Senior High School Program agud nga mataw-an it mas maabu nga oportunidad ro mga out-of-school youths ag adults.
Disyembre 2020 kat pirmahan ni Pangueong Duterte ro Republic Act No. 11510 nga nagapabakod sa ALS program ag pagkriar it Bureau of Alternative Learning System para magtao it parallel learning system para sa non-formal education.
